Nainaw daytoy a libro gapu iti nasinged a panagkakadua ken simple nga arapaap. Adda karit iti puso ken nakem dagiti kas kadatayo nga agsursuro ken agsursurat. Maysa a panangipeksa kadagiti marikrikna, mabuybuya ken mapadpadasan iti bukod a biag kasta metten iti aglawlaw.
No maminsan, maibilang dagiti lagip nga anniniwan a narigat a pugasen. Ket dagitoy a lagip sibibiagda iti nakem. Nagbalinda nga adal wenno pakdaar nupay dagiti dadduma awanen pategna. Ngem iti puso ti mannurat saanna kabaelan nga ilibak ti marikriknana. Ikur-itnanto latta dagiti padpadas ken utob-nakem, pait ken sam-it, pasagid ken sidir ti konsensia. Kadagiti dadduma, kasla kanta iti adu a pakasaritaan. Ngem ketdi, maibilang daytoy nga Arte, Bunga ti Panawen ken umang-anges nga anniniwan kadagiti mangipatpateg iti simple a literature ti biag.
Iti kasipngetan, datayo ti mismo nga anniniwan. Iti lawag, agminar kadatayo ti pakabuklan.
Palubosanta a ti daniw ken mannaniw agmaymaysa. Umaykan ta kaduaennak nga agbasa..
 |
Poetry Planet Joined: Feb-28-2018 |
