Ti 'Lemma ti Lagip' ti kinabaknangko no maipapan kadagiti padas ken paliiwko iti biag, agsipud ta ditoy ti nagpupuniponan dagiti pasamak nangruna kadagiti diak ninamnama a mapagteng kaniak. Lemma gapu ta saanen a mapugas iti panunot. Adda bukodda a panawen kaniak, iti kina ubing, iti kinaagtutubok ken iti kaaddan bikodko a pamilia. Lemma ti Lagip gapu ta dagitoy a lagip naaramid iti sabsabali a luglugar nga uray pay kadagiti kaaddak iti ballasiw taaw.
Dagitoy a Lemma ti nangpatpatibker ken nangisuro kaniak no ania ti kinapudno a pasaren ti tao ken no ania ti pannakipaset iti biag ti sabsabali.
Daytoy a Libro ket naurnong a dandaniwko. Saan man a makuna a de-kalidad dagitoy a gapuanak no maipapan iti literatura, ngem ketdi naipeksa ditoy dagiti mensahek iti komunidad, iti pamilia ken pakairamanan dagiti gagayyemko.
Gapu ta naragsakak a tao, nakadidillaw nga adda angaw ken sutil dagiti sinangalko a balikas. Umanayen a ragsakko no adda mapaisemko a tao. Ammok ngamin a ti kapintasan..
 |
Poetry Planet Joined: Feb-28-2018 |
Naipasngayak iti probinsiya ti Kalinga, Siudad ti Tabuk, Bario Cabaritan idi June 06,1978. Tallo kami laeng nga agkakabsat ket siak ti buridek ken agmaymaysa nga babai. Sipin ti birngasko.
Tubo iti Banged, Abra ti amak a ni Mr. Narciso Billesa Pacursa. Tubo met iti Ilocos Norte ti inak a ni Mrs.Norma Calimosa Anga-angan. Ditoykami Kalinga a dimmakkel.
Nagturposak iti elementaria ken secondaria iti pagadalan ti Bario a Tuga, Tabuk City, Kalinga Province. Maikatlo a tukad laeng ti nagpatinggaak iti kolehiyo iti kursok a BSA( Bachelor of Science @ Accountancy) iti Kalinga Apayao State College (KASC), KSU (Kalinga State University) ti agdama iti Dagupan, Tabuk City. Gapu't kinakurang ti pinansial a kasapulak, diak naiturpos ti kursok.
