Ti SUMINGISING TI LAWAG ket naurnong a daniw iti tallo a pagsasao (Iloko, Tagalog ken English). Naputar dagitoy a daniw a naadaw iti pudno a padas, paliiw ken marikrikna ti owtor kas mapaspasamak ti aglawlawna, iti Lugar a nakaiyanakan ken iti ballasiw taaw.
SUMINGISING Ti LAWAG - ipasimudaagna nga adda latta namnama iti likudan ti nalidem a padpadas iti biag. Ipakitana nga adda pagpatinggaan amin ti parikut, gapu ta tumaudto latta ti gundaway a pasungaden ti baro nga agsapa a mangipaay iti mabuslon a LAWAG iti tunggal maysa. Mamati ti owtor, gapu ta daytoy ket mismo a padasna- a nangiduron kenkuana tapno agsurat, agserbi a lawag kadagiti agtultuloy a makigasanggasat. Mangliwliwa, mangadal, mangparparipirip.
 |
Poetry Planet Joined: Feb-28-2018 |
Naiyanak iti bulan ti Enero, petsa sais, tawen 1981 ni Bambee Pacnis Abadilla iti ili ti Ballesteros, Cagayan. Dimmakkel iti probinsia ti Apayao. Inauna kadagiti lima nga agkakabsat. Nagtaud manipud kadagiti nagannakna; da Labrador Agoo Abadilla (deceased) Ken ni Francisca Gajustos Pacnis.
Gapu ti kinasapana a naulila iti ama (agtawen idi iti 13), nakigubal iti adu a rigat ken tuok, lua ken sennaay. Ipagarupna idi a saanen a makaaddang pay iti kolehio gapu ti kinarigat ti panagbiag. Ngem inkagumaan ti inana ti nangisakad ti panagadalna. Babaen ti panagkarkaramot iti rigat, nalpasna ti Bachelor of Science in Agriculture iti Mariano Marcos State University iti siudad ti Batac, Ilocos Norte.
